| 聖誕節快樂 今日夜晚係我第三次企水台 個師傅切親手，呢幾日先黎返唔到工 搞到我原本夜晚打可...變左呢幾日頂佢個位 真係好唔慣....今晚都唔知殺左幾多條魚 d魚大大條，又要打暈佢，又要劈。 原來睇就容易，做就有d難道 搞到成身血，好在老細幫幫我 殺左幾條。幾好玩，係危險左d 我都驚"奶野"之前第一次就係條魚滑 線手，今次我用暴力打死哂d魚 未湯條魚我諗都死左 最麻煩係d鱔魚，死左都仲識郁 成條蛇咁。好得意 我切左佢個頭，佢個口開下合下... --------------------------------------------- 依家無哂計，成日諗住彈起 唔知幾時先彈得起呢?!?! |
| |
| 又忙完返屋企喇... 沖完涼又打幾隻字先 就到聖誕節啦..... 大家又有咩搞??? |
| |
| 冬大個年?? 冬大個春 今日做到死... d人唔知係咪提早做冬 忙到停唔到...睇住成四五十張單推入黎 個針板已經一早淋檔，我都估到遲早到我 我就睇住張台。成廿幾張單未炒 淨係落配料都已經炆炆地 仲要拎出去比樓面 真係好似打仗咁... 果個叫我豆苗行先 另外一個又話灼蝦行先 個個都行先，聽邊個好 淋足三個幾鐘，十點先清哂d單 當堂醒晨哂。 ----------------------------------------- 仲有三日先放假 不過應該十分難過 星期日加埋個冬至 我想死，可惜好多野未做過 -------------------------------------------- 冬至就令我諗返起我之前聽歌 年年我都記得，阿媽話 差不多冬至，一早一晚還是有雨 上年係落雨，前年又係 唔知今年係唔係呢? 我既葡萄又幾時先會熟透 (你要靜候，再靜候．．．．．@@!) |
| |
| 依家成日都覺得 自己做緊既野 都比身邊既人慢 好似浪費緊時間咁 真係想唔到之後會點 不過自己又唔想煩到人 但自己又係一個怕麻煩的人 有時好多野都唔諗.. 但到左自己一個人果陣 煩惱又出返黎 ---------------------------------------- 有時間都會睇下書 但唔洗有益健康 只係一d武俠小說 打發下時間... 依家電視兩個幾月冇睇 電腦又用得一陣 電話更加唔會用咁 同社會真係好似脫離左咁 咩都唔知....咩都唔會問 ------------------------------------- 今日聽到句幾開心既說話 係師傅同我講既 我做做下野...佢話我講 輝仔，其實你都算唔話得 黎左成兩個幾月，人地話你 你就自己做自己野。好似咩都 聽唔到。 我話無計我先咁做 唔想煩，唔想返工有是否 有得做就做，有得食就食 無咪9就。 -------------------------------------------- 返到屋企，唔係咩特別野 不過有人欣賞我呢d咁既性格 我都幾開心。 |
| |
| 今日係放假..... 去左唱k...很久沒見 見了不久...走了 下次再約吧.... =================================== |
| |
